Google ADS

Mbi 50 persona të vdekur nga zjarri në Rusi

08:30 | 26 Mars 2018
Arbresh.info

Shërbimet e emergjencave në Rusi njoftojnë se të paktën 53 persona kanë vdekur dhe shumë të tjerë janë plagosur në zjarrin masiv që ka shpërthyer në një qendër tregtare në Siberi.

Numri i viktimave nga zjarri që shpërtheu më 25 mars mund të rritet, përderisa ekipet e shpërtimit janë duke vazhduar kërkimet në qendrën tregtare në qytetin Kemerovo, që gjendet rreth 3 mijë kilometra në lindje të Moskës.

Shërbimet e emergjencave kanë thënë se tashmë zjarri është shuar, por ekipet e shpëtimit kanë vështirësi që të arrijnë në katet e sipërme, për shkak se tavani i ndërtesës është rrëzuar.

Dhjetëra persona vazhdojnë të jenë të zhdukur.

Guvernatori i rajonit Kemerovo, Aman Tuleyev ka deklaruar se familjarët e çdo viktime do të pranojnë një shumë prej 1 milionë rubla (17,500$).

Shkaku i zjarrit nuk është bërë i ditur.

Autoritetet kanë nisur një hetim për këtë tragjedi.

Shpërndaje në rrjete sociale

Lajmet më të lexuara

Të ngjashme

Foto lajm