Kanë kaluar më shumë se një muaj që nga momenti kur vendimi i kryeministri Ramush Haradinaj për rritjen e pagës për veten dhe të kabinetit të tij u dërgua në Gjykatën Kushtetuese.
Ishte pikërisht Lëvizja Vetëvendosje që qoj këtë proces në Kushtetuese, përderisa kjo e fundit ende nuk ka marrë asnjë vendim.
I kontaktuar nga Indeksonline,Drejtori i Zyrës për Komunikim dhe Media, Veton Dula ka bërë të ditur se kërkesa është parashtruar më 29 janar 2018 por që kjo lëndë është aktualisht në fazën e shqyrtimit dhe se Gjykata ende nuk ka marrë vendim.
Ai gjithashtu ka thënë se nuk ka ndonjë afat të caktuar kushtetues-ligjor për vendimmarrje të Gjykatës në këtë rast.
Ndryshe më datën 12 janar, Qeveria e Kosovës ka miratuar propozimin për rritjen e pagave për të gjitha kategoritë e të punësuarve që marrin paga nga buxheti i Kosovës. Sipas këtij vendimi pagat rriteshin në 4 përqind mbi pagën bazë.
Ky vendim u pezullua më datën 1 shkurt deri në marrjen e vendimit nga Gjykata Kushtuetese. Lidhur me gjithë këtë ishte deklaruar edhe Ministri Financave, Bedri Hamza i cili atë kohë vendosi që të mos e zbatojë vendimin e qeverisë për rritje të pagave derisa ligjërisht të sqarohet e gjithë situata.
Sipas të gjitha gjasave, lënda në fjalë do të mbetet ende në shqyrtim e sipër deri në kohën e mjaftueshme për Gjykatën Kushtetuese që të arrij të marrë një vendim./Indeksonline/
Rreth 25 milionë amerikanë hedhin votën në shtetet e pavendo...
Parashikimi i motit për sot në Shqipëri
Sindikata e Re e KEK-ut mban sot protestë
Vazhdon procesi gjyqësor ndaj ish-krerëve të UÇK-së
Kuvendi sot me seancë të jashtëzakonshme, diskutohet për ska...
Moti sot me diell dhe pjesërisht i vranët