Google ADS

Kosova me zyre në Sllovaki dhe Greqi

00:32 | 22 Mars 2018
Trina Galanxhi

Ministri i Punëve të Jashtme i Kosovës, njëherësh zëvendëskryeministër i vendit, Behgjet Pacolli, ka folur për raportet e Kosovës me shtetet e Bashkimit Evropian që ende nuk e njohin pavarësinë e saj.

Pacolli ka thënë në emisionin “DPT Te Fidani”, në televizionin T7, ka thënë se Greqia e Sllovakia nuk do të përbëjnë pengesë për rrugëtimin e Kosovës drejt integrimit në Bashkimin Evropian.

Ai ka thënë se në takime që ka zhvilluar me zyrtarë të lartë sllovakë e grekë ka marrë garanci se Sllovakia e Greqia “nuk do ta pengojnë Kosovën në rrugëtimin e saj”.

Përkundrazi, Pacolli ka thënë se këto dy shtete “do ta mbështesin” Kosovën.

Pacolli, i cili udhëheq Aleancën Kosova e Re, ka paralajmëruar se Kosova do të hap zyre në një të ardhme të afërt në Sllovaki dhe në Greqi.

Shpërndaje në rrjete sociale

Lajmet më të lexuara

Të ngjashme

Foto lajm