Shënjestra e Arsenalit, Nabil Fekir ka ambicie për të luajtur në top dhjetë klubet më të mëdha në Evropë dhe mund të largohet nga Lyoni këtë verë, ka zbuluar agjenti i tij.

Arsene Wenger ka identifikuar yllin Nabil Fekir si shënjestër kryesore dhe është duke konsideruar transferimin prej 45 milionë funta për francezin para fillimit të Kampionatit Botëror, transmeton portali arbresh.info.

Agjenti i Nabil Fekir, Jean Pierre Bernes i ka hapur dyert klientit të tij për largim nga klubi në Liga 1, megjithëse ai insiston se ata nuk do të bëjnë të detyruan largimin.

“Nëse në fund të sezonit është një vendim për tu marrë, atëherë ne do të ulemi me presidentin Aulas dhe do të gjejmë një zgjedhje të duhur”, ka thënë agjenti Bernes.

“Kemi respekt së pari dhe për kryesorin – Lyonin. Në shtëpi, ne nuk dëshirojmë të largohemi si një njeri i pamëshirshëm apo pas ndonjë përplasje. Nabili është në një klub të madh francez, nëse jo më i madhi”

“Ju e dini shumë mirë që në një pikë, ne ndoshta do të jemi në gjendje për të pyetur rreth largimit. Vendimi do të merret me gjithë inteligjencë, si profesionistë, dhe veçanërisht në interes të të gjitha palëve”

“Kur ju largoheni nga klub juaj stërvitës, të cilit ne i kemi borxh gjithçka, ne largohemi në gjendje të mirë. Nëse ne duhet të largohemi, Nabil ka një qëllim personal për të qenë pjesë e top dhjetë klubeve në Evropë”, shtoi ai.

Fekir ka qenë në një formë të shkëlqyer te Lyoni këtë edicion duke shënuar 16 gola dhe duke krijuar gjashtë asistime në Liga 1./arbresh.info/