Sulmohet me koktej molotovi një xhami në Gjermani

17:34 | 20 Mars 2018
Arbresh.info

Një xhami në qytetin e Ulmit në Gjermani është sulmuar me koktej molotovi, duke i shkaktuar dëm xhamisë që i përket komuniteti mysliman turk në këtë vend.

Fatmirësisht asnjë nga besimtarët nuk është lënduar, transmeton portali arbresh.info.

Sulmi vjen më pak se dy javë pas një incidenti të ngjashëm në kryeqytetin e Gjermanisë, Berlin, kur u ndez një xhami. Më parë këtë muaj, një xhami tjetër e frekuentuar nga komuniteti turk në Gjermani u sulmua gjithashtu.

Sipas agjencisë së lajmeve Anadolu, sulmi erdhi pasi simpatizantë me Partinë e jashtëligjshme të Punëtorëve të Kurdistanit (PKK) në Turqi kërcënuan se do të përhapnin më shumë “dhunë” në vend, së bashku me mbështetësit e Partisë së Bashkimit Demokratik Kurd (PYD) – dega siriane e PKK.

PKK është ndaluar në Gjermani që nga viti 1993, por mbetet aktive me rreth 14.000 pasuesit në vend./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm