Legjenda e Barcelonës, Carles Puyol ka thënë se ylli i Chelseas, Eden Hazard, është larg nga të qenurit afër me ish bashkëlojtarin e tij – Lionel Messin.

Puyol nuk mendon që Eden Harzard është në një nivel të ngjashëm me superyjet e futbollit si Cristiano Ronaldo dhe Lionel Messi, transmeton portali arbresh.info.

“Nuk mendoj se është në nivelin e tyre ende”, ka thënë fillimisht Puyol për ‘Sky Sports’. “Ne jemi duke folur për lojtarë të mrekullueshëm. Nuk është vetëm një arsye, ata kanë qenë në nivelin maksimal për 10 vite deri tani. Për mua, Messi është lojtari më i mirë në botë dhe në histori”

“Është impresive ajo që është duke bërë ai çdo ditë në një nivel të lartë duke thyer rekorde dhe duke u bërë çdo herë e më i mirë në të gjitha aspektet e lojës”

“Pra, të krahasosh atë me Messin apo Ronaldon është e vështirë, por Eden Hazard është një lojtar fantastik. Ai është një lojtar që e bënë dallimin dhe ka mjaftë kohë për tu zhvilluar”

Sot (e mërkurë) do të zhvillohet përpallja kthyese në kuadër të xhiros së 1/8-së ndërmjet Barcelonës dhe Chelseat ku do të takohen dy yjet./arbresh.info/