Samsung kërkon të shesë 43 milion Galaxy S9/S9+

09:15 | 13 Mars 2018
Arbresh.info

Samsung ka riafirmuar besimin se dyshja e Galaxy S9 do të performojë më të mirë sesa paraardhësit S8.

Kompania synon të shesë 43 milion njësi këtë vit për modelet Galaxy S9 dhe S9+ së bashku.

Ishte media Koreane The Bell e cila raportoi objektivat e Samsung. Për tre mujorin e parë gjigandi Korean pret shitje prej 12 milion njësi më pas 13 milion, 10 milion dhe së fundi 8 milion për tre muajt e fundit të 2018-ës, shkruan PCWorld Albanian.

Objektivi i ri i Samsung është 2 milion njësi më shumë sesa 41 milion njësitë e shitura të Galaxy S8/S8+ por më pak se 47 milion njësitë e shitura të Galaxy S7/S7+ në 2016-ën.

Counterpoint Research ka parashikuar 40 deri në 43 milion njësi të shitura. Megjithatë raportimet e para thonë se porositë për Galaxy S9 janë më të dobëta sesa S8-ës.

Për të ruajtur besnikërinë e konsumatorëve, Samsung do të rimbursojë një pjesë të vlerës së S9-ës për ata që kthejnë Galaxy S8-ën.

Shpërndaje në rrjete sociale

Lajmet më të lexuara

Të ngjashme

Foto lajm