Policia italiane ka arrestuar tre shqiptarë në Bergamo të Italisë, të cilëve iu gjet një sasi e konsiderueshme prej 12 kilogram kokainë dhe 114 mijë euro cash. Sipas shtypit italian, ata janë të moshës 24 dhe 40 vjeç, dhe u denoncuan nga dy bashkëpunëtorë.
Paratë u gjetën në një automjet, të fshehura në atë mënyrë që vetëm përmes pajisjeve elektronike mund të kapeshin.
Ndërkohë, në një tjetër automjet, ishte vendosur sasia prej 12 kilogram kokainë e pastër, gati për t’u shkëmbyer.
Dy automjetet u vunë re në parkingun e një supermarketi, në Romano di Lombardia. Policët i ndoqën deri në shtëpi, atje ku do të bëhej edhe shitja e lëndës narkotike.
Bëhet fjalë për një nga sekuestrot më të mëdha të viteve të fundit në territorin e Bergamos dhe në veçanti të kokainës. Policia thotë se “malli” ishte i një cilësie të pastër dhe vlen qindra e mijëra euro nëse do të hidhej në treg për t’u shitur.
Policia ka kontrolluar edhe banesat e shqiptarëve dhe në garazhin e njërit prej tyre, është gjetur një pajisje metali që dyshohet se përdorej për konfeksionimin e drogës.
Nën hetim, por jo në burg, është edhe një tjetër shqiptar, pronar i banesës ku policia dyshon se do të bëhej shkëmbimi i drogës. Tre shqiptarët ndodhen në burg dhe në ditët e ardhshme do dalin para Gjykatës së Bergamos për t’u përballur me akuzat./gsh/
Dueli i rëndësishëm në Ligën e Kombeve, dalin në shitje bile...
Zbulohet data/ Ja kur është dasma e Dafinës dhe Kreshnikut
Sot në ora 14:43 fillon sitna e vjeshtës, IHMK njofton për p...
Të shtëna masive në Alabama, të paktën katër të vdekur dhe s...
Rikthimi i shërbimit ushtarak në Serbi, Mustafi: Rinia shqip...
Policia shqiptoi mbi 2200 gjoba brenda 24 orëve në Kosovë