Google ADS

Tiranë: Sekuestrohen 155 kg kanabis, në pranga 3 të rinj

18:57 | 11 Mars 2018
Arbresh.info

Policia e Tiranë ka sekuestruar një sasi prej 155 kg drogë e llojit kanabis sativa ndërsa në pranga kanë përfunduar tre persona dhe një i katërt është shpallur në kërkim.

Burime nga policia e kryeqytetit bëjnë me dije se janë arrestuar të rinjtë K. V., 23 vjeç, banues në Tiranë, G. L., 26 vjeç, banues në Krujë, A. L., 23 vjeç, banues në Krujë, si dhe u shpall në kërkim shtetasi M.K., 32 vjeç, banues në Krujë.

“Më datë 10.03.2018, në rrugën ‘Skënderbeu’, gjatë kontrollit të ushtruar në automjetet tip Audi dhe Golf 4 që këta shtetas lëviznin iu gjet dhe sekuestrua në cilësinë e provës materiale 155 kg bimë narkotike e dyshuar e llojit kannabis sativa. Gjithashtu, janë sekuestruar në cilësinë e provës materiale 13100 lekë, 2 automjete dhe 4 telefona celular”, sqaron policia.

Materialet procedurale iu kaluan Prokurorisë pranë Gjykatës së Shkallës së Parë Tiranë, për veprime te mëtejshme hetimore.

Shpërndaje në rrjete sociale

Lajmet më të lexuara

Të ngjashme

Foto lajm