Kryeministri i vendit, Ramush Haradinaj i është përgjigjur letrës publike nga kryetari i Lëvizjes Vetëvendosje, Albin Kurti i cili gjatë ditës ka kërkuar nga Haradinajt që të mos ratifikohet marrëveshja e demarkacionit pa u korrigjuar fillimisht marrëveshja.
Haradinaj ka thënë e kupton presionin nga Kurti që fillimisht të ishte korrigjuar marrëveshja e pastaj të ratifikohet, por që sipas tij kjo do të nënkuptonte dalje prej marrëveshjes.
“Më ka shkruar një letër kryetari i Lëvizjes Vetëvendosje z. Kurti me të cilin ne kemi qenë bashkë në kundërshtim të versionit të gabuar. Unë e kuptoj presionin e z.Kurti se kish qenë ma mirë me e korrigjuar përpara me e kthye në Çakorr dhe në Kullë. Por kjo nënkupton dalje prej një marrëveshje. Pas ratifikimit nga ana e Kosovës nuk është humb asnjë argument i korrektimit”, ka thënë ai në RTK.
Ai i është lutur Kurtit dhe deputetëve të tjerë të VV-së që ta votojnë pro marrëveshjes së demarkacionit.
“Tani iu kisha lut z.Kurtit edhe deputetët e Vetëvendosjes, njëkohësisht i kisha lut edhe deputetët e tjerë që e shoh se kanë tani mospajtime brenda VV-së. Janë krijuar dy drejtime politike. Visar Ymeri e të gjithë ata tjerët i kisha lut që ta konsiderojnë dhënien e votës edhe të mos e lejojnë Kosovën që të ndodhet në pozita të presioneve për votë”, tha Haradinaj për televizionin publik të Kosovës.
PSG refuzon t’i paguajë shifrën marramendëse Mbappes
“Kosova Kosova” brohorasin kadetët dhe ushtarët amerikanë, O...
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...