Raportet kanë lidhur brazilianin me një rikthim sensacional në Camp Nou pas vetëm një sezoni në PSG, por trajneri i “Blaugranëve” ka hedhur poshtë këto spekulime.
Ernesto Valverde thotë se nuk di asgjë rreth këtyre raporteve që Neymar mund të rikthehet te Barcelona, transmeton portali arbresh.info.
Braziliani ka shkëlqyer në Liga 1 qysh pas largimit nga Barcelona për transferim në Paris Saint Germain në muajin gusht duke u bërë lojtari më i shtrenjtë në histori të futbollit pas marrëveshjes prej 22 milionë euro.
Por, këmba e thyer bëri që Neymar të mos jetë pjesë e ndeshjes kthyese në UEFA Ligë të Kampionëve kundër Real Madridit derisa 26-vjeçari është gjithashtu në dyshime për Kampionatin Botëror.
Raportet sugjerojnë që Neymar është i pavendosur në PSG ndërkohë që Madridi vazhdon të jetë rregullisht i lidhur me transferimin e sulmuesit qysh pas largimit nga La Liga. Por, Valverde refuzoi spekulimet që Neymar mund të bëjë një rikthim sensacional te Barcelona pas vetëm një sezoni me PSG-në.
“Nuk e di se nga ka ardhur ajo”, ka thënë sot (e premte) Valverde. “Të mos flasim rreth situatave hipotetike”
Valverde është pyetur gjithashtu rreth mesfushori Arthur të Gremios, i cili ishte afër transferimi për 40 milionë euro në Camp Nou, por trajneri ka refuzuar të flas për “lojtarët që luajnë në skuadra tjera”./arbresh.info/
Maqedonci: Kosova ka mbështetjen e të gjithë partnerëve për ...
Tashmë e konfirmuar, Serie A merr vendimin për shtyerjen e n...
Maqedonci: Ushtarët asnjë ditë nuk kanë mbetur pa ushqim, as...
Arrestohen dy persona për zjarrëvënie të veturës në Ferizaj
Lirohet nga burgu Shaban Gogaj, i dënuar për vrasjen e Agoni...
Von der Leyen nesër në Kosovë, vizitën e nis me një takim me...