Billborde nëpër kryeqytet me emrat e Diana Kastratit e Zejnepe Bytyqi, viktima të dhunës në familje

13:05 | 8 Mars 2018
Arbresh.info

Në ditën ndërkombëtare të gruas grupi prej katër vajzave Haveit ka vendosur billborde nëpër kryeqytet me emrat e grave të vrara nga bashkëshortët, shkruan portali arbresh.info

Ato kanë treguar që inspirimin e kanë marrë nga filmi “Three billboards outside Ebbing, Missouri”.

Në këto billborde janë emrat e Diana Kastratit, Zejnepe Bytyqit dhe një tjetër thotë “Edhe sa thirrje të humbura”.

​Janë bërë thuajse pesë vjet që kur Diana Kastrati u vra në pikë të ditës disa metra larg shtëpisë së saj, dhe i dyshuari për vrasjen e saj, ish-bashkëshorti Adnan Jashari ende nuk është kapur nga organet e ndjekjes dhe drejtësisë kosovare.

Zejnepe Bytyqi Berisha është viktimë e dhunës në familje, e vrarë nga bashkëshorti i saj. Me 10 goditje thike, ajo vdiq në dhimbje e terror.

Filmi është bazuar në ngjarje të vërtetë të familjes Fulton nga qyteza Vidor në Teksas, e cila vendos billborde të tilla që nga vitit 1991, kur iu është vrarë vajza Kathy Page./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm