Irani me dënime të rrepta për gratë që heqin shaminë në vende publike

21:22 | 7 Mars 2018
Trina Galanxhi

Gjykata iraniane ka dënuar me dy vite e tre muaj burg një grua që “publikisht hoqi vellon e saj në shenjë proteste”.

Vendimi është bërë i ditur nga Ministria e Drejtësisë, e cila nuk ka zbuluar identitetin e viktimës, por ka vërë në dukje se “publikusht ajo ka nxitur imoralitet”, transmeton portali arbresh.info

Më shumë se 30 iraniane janë arrestuar që nga fundi i dhjetorit, sepse kanë hequr shamitë e kokës, që konsiderohet shkelje e ligjit.

Ligji në fuqi në Iran që nga Revolucioni Islamik i vitit 1979 thotë se gratë, qoftë iraniane apo të huaja, pavarësisht nga feja e tyre, duhet të mbulojnë kokën me një hixhab dhe duhet të veshin rroba të lirshme.

Megjithatë, autoritetet kanë lehtësuar theksin e tyre në këtë çështje në mënyrë të konsiderueshme për gati 20 vjet dhe një numër në rritje i iranianëve në Teheran dhe qytete të tjera të mëdha në vend kanë filluar të shfaqin pak flokët./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm