Google ADS

Mahrez njofton përmes një postimi të dyshimtë se po pensionohet nga futbolli

10:43 | 7 Mars 2018
Arbresh.info

Ylli i Leicester Cityt, Riyad Mahrez, ka njoftuar se është pensionuar nga futbolli përmes një postimi tepër të dyshimtë në llogarinë e vet zyrtare në Facebook.

Një mesazh u publikua në faqen e verifikuar të Mahrezit në Facebook të martën vonë, duke sugjeruar se përfaqësuesi i Algjerisë po pensionohet nga futbolli.

Postimit i është bashkangjitur një fotografi e Mahrezit me mbishkrimin: “Pas konsultimit të fundit me shumë doktorë, kam vendosur të qëndroj larg futbollit. Meqë koha ime si lojtar futbolli mbaron këtu, do të doja t’i thosha disa fjalë. Dua t’i falënderoj të gjithë për përkrahjen që ma kanë dhënë në këtë qytet të jashtëzakonshëm. Gjithmonë do të jeni në zemrën time”.

Megjithatë, ende nuk ka asnjë reagim nga klubi apo Kombëtarja e Mahrezit rreth këtij postimi të çuditshëm. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm