Google ADS

Shefi i diplomacisë sllovake: S’ka BE për Serbinë pa i normalizuar marrëdhëniet me Kosovën

14:03 | 6 Mars 2018
Arbresh.info

“Çështja e Kosovës është e rëndë për Serbinë dhe njëri nga kushtet të cilin Serbia duhet ta zgjidh para se të bëhet pjesë e BE-së”.

Kështu ka thënë në Beograd ministri i Punëve të Jashtme dhe atyre evropiane të Sllovakisë, Ivan Korçok.

Sipas tij, BE-ja nuk është e gatshme që përsëri të vendoset në pozicionin e gjyqtarit ndërmjet dy vendeve në mënyrë që të zgjidh problemin, transmeton lajmi.net.

Korçok po ashtu ka thënë se BE-ja pret që Kosova dhe Serbia ta nënshkruan përfundimisht një marrëveshje për normalizimin e marrëdhënieve e cila do të jetë ligjërisht obligative për të dy shtetet.

Ndërkaq sa i përket njohjes së Kosovës nga Sllovakia, shef i diplomacisë së këtij shteti gjatë vizitës në Beograd ka thënë se Sllovakia nuk do të ndryshoj qëndrim dhe tash për tash nuk do ta njoh Kosovën.

“Ne nuk e bllokojmë rrugëtimin e Kosovës, por nuk e njohim si shtet, jo për shkak të Serbisë, por për shkak të parimeve”, ka thënë Korçok në fund. /Lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm