Rusia, Ukraina dhe Bjellorusia janë anëtarë të Kombeve të Bashkuara edhe pse i përkisnin një shteti të përbashkët, Bashkimit Sovjetik. Por kjo nuk është një model për Kosovën që të bëhet anëtare e OKB-së.
Kështu po thotë ish-ministri i jashtëm jugosllav dhe ish ambasador në Kombet e Bashkuara, Vladislav Jovanoviq kur u pyet për mundësinë që Kosova të bëhet anëtare e Kombeve të Bashkuara.
Sipas tij, çështja e këtyre shteteve të Bashkimit Sovjetik, është e ndryshme nga rasti i Kosovës që dikur ishte pjesë e Jugosllavisë.
“Në mënyrë që Kosova të bëhet anëtare e OKB-së është e nevojshme të ketë një zgjidhje me Kosovën në dialogun që po vazhdon me Serbinë”, thotë Jovanoviq, transmeton lajmi.net.
Sipas tij, më shumë se Brukseli dialogun mes dy vendeve, po e përcjell Amerika.
Ai thotë se SHBA-të janë të interesuara për zgjidhje pozitive për Kosovën.
“Edhe pse Brukseli po i mbikëqyr këto deklarata, BE-ja është një partner më i vogël i Kosovës se Amerika. Është në interesin e amerikanëve të gjejnë një zgjidhje për Kosovën”, thotë Jovanoviq.
Ndryshe, marrëveshja ligjërisht e detyrueshme ndërmjet Kosovës dhe Serbisë është theksuar edhe në Strategjinë e Zgjerimit të BE-së.
Ismaili takoi Përfaqësuesin e Thesarit të SHBA-së, diskutuan...
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...