Nuk procedohet në Kuvend projektligji për amnistinë

16:18 | 28 Shkurt 2018
Arbresh.info

Qeveria e Kosovës në mbledhjen e sotme nuk ka proceduar në Kuvend Projektligjin për amnistinë dhe Projektligjin për Këshillin e Pavarur Mbikëqyrës për Shërbimin Civil të Kosovës, raporton arbresh.info

Kreu i qeverisë, Ramush Haradinaj kërkoi votat e kabinetit qeveritar të cilët nuk e kaluan më tutje këtë ligj.

Sipas tyre ky projektligj synon përjashtimin nga ndjekja penale individë të cilët kanë përgjegjësi penale individuale për veprat përkatëse, për këtë ky projektligj është i paprecedent.

“Në pajtim me përfundimin e Kuvendit të Republikës së Kosovës, Qeveria ka dhënë mendimin për Projektligjin për Amnistinë, i iniciuar nga një grup deputetësh. Në bazë të analizës, Qeveria vlerëson se nisma nuk është në harmoni me motivet e zakonshme për nxjerrjen e ligjit. Projektligji synon përjashtimin nga ndjekja penale individë të caktuar të cilët kanë përgjegjësi penale individuale për veprat përkatëse. Kjo e bënë këtë Projektligj të paprecedent”, thuhet në mendimin e Qeverisë së Republikës së Kosovës./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm