Legjenda e Manchester United, Gary Neville beson që portieri David de Gea është aktualisht lojtari i vetëm në klub me klas botëror.

De Gea, i cili ishte emëruar Lojtari i Vitit te United për tri sezone radhazi që nga viti 2013 deri në vitin 2016, ka qenë në formë të shkëlqyer së fundmi, transmeton portali arbresh.info.

“De Gea është lojtari i vetëm me klas botëror që ka Manchester United. Ju ndoshta mund të thoni edhe Sanchez, por në Manchester United ende jo, madje edhe pse ka qenë në nivel për pesë apo gjashtë vitet e fundit që ju mund t’i thoni një klas botëror”, ka thënë Neville për ‘Goal’.

“Por, De Gea është lojtari i vetëm që Manchester United ka në këtë moment dhe që do thoja se ka performuar për klubin në një nivel të klasit botëror”

“Lojtari tjerë do thoja se kanë qenë shumë i mirë, pa marrë parasysh a thoni se është i klasit botëror apo jo, është Antonio Valencia gjatë dy apo tri viteve. Ai ka qenë i jashtëzakonshëm”, shtoi Neville.

“Por, për mua De Gea është lojtari i tyre perfekt sa i përket standardit botëror në klub që është pa pikë dyshimi”

Manchester United aktualisht qëndron në pozitën e dytë me 59 pikë, 13 pikë larg nga Manchester City si lider i tabelës./arbresh.info/