Google ADS

Sefaj apel qytetarëve: Lëvizni me shpejtësi të reduktuar

20:09 | 26 Shkurt 2018
M. A.

Ministri i Punëve të Brendshme, Flamur Sefaj, ka kërkuar nga qytetarët që për shkak të reshjeve të borës të lëvizin në shpejtësi të reduktuar, veçanërisht ku ka më shumë borë.

Sefaj ka informuar se Policia e Kosovës do të vazhdojë të monitorojë ngasësit në trafik, me qëllim të parandalimit të aksidenteve të mundshme, shkruan Indeksonline.

Ky është statusi i plotë:

Si pasojë e reshjeve të borës të rëna gjatë dy ditëve të fundit, nga qytetarët kërkohet që të lëvizin me shpejtësi të reduktuar, në veçanti në zonat ku prezenca e borës është më e madhe.

Njësitet e Policisë së Kosovës do të vazhdojnë të monitorojnë veprimet e ngasësve në trafik dhe sikurse është bërë me dije disa herë, me qëllim të parandalimit të aksidenteve të mundshme e posaçërisht në këtë periudhë kur kemi të reshura atmosferike, zyrtarët policorë do të aplikojnë masa ndëshkuese ligjore për shoferët e pakujdesshëm.

Shpërndaje në rrjete sociale

Lajmet më të lexuara

Të ngjashme

Foto lajm