Google ADS

Bytyqi: Mos e ndalni zërin kur nuk ju ofrojmë shërbime të mira

14:39 | 26 Shkurt 2018
Arbresh.info

Ministri i Arsimit, Shyqyri Bytyqi ka kërkuar nga institucionet e arsimit që të kërkojnë kualitet në mësime apo studime dhe të mos rreshtin së ngrituri zërin kur nuk ofrohen kushte të mira.

Këtë deklaratë, Bytyqi e bëri gjatë ceremonisë së hapjes së konviktit nr.VIII në Qendrën e Studentëve të Universitetit të Prishtinës, shkruan Arbresh.info.

Bytyqi tha se detyrë e tyre është që të sigurojnë sa më shumë komoditet të banimit për studentët dhe studime më të lehta.

“Përgjegjësia jonë si Ministri është që t’ua krijojmë kushtet studentëve ndërkaq përgjegjësia e studentëve është që të arrijnë suksese në studime. Ju lutem angazhohuni që të kërkoni studime cilësore, asnjëherë mos e ndalni zërin kur nuk ju ofrojmë shërbime të mira”, ka thënë Bytyqi.

Konvikti i ri përbëhet nga 155 dhoma me 305 shtretër.

Me këtë konvikt shtesë, numri i studentëve që mund të akomodohen në Qendrën e Studentëve ka arritur në 4000 sosh./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm