Partia e Orbanit pëson disfatë në bastionin e saj

11:26 | 26 Shkurt 2018
Arbresh.info

Partia Fidesz e kryeministrit të Hungarisë, Viktor Orban, ka pësuar disfatë në njërin nga bastionet, pasi kandidati i saj për kryetar të qytetit Hodmezovasarheli është mundur nga një kundërshtar i pavarur, i mbështetur nga opozita.

Me gati të gjitha votat e numëruara nga zgjedhjet e së dielës, Peter Marki Zay ka fituar 57.5 përqind të tyre, përballë kandidatit të Fidesz-it, Zoltan Hegedus, me 41.6 përqind.

Partia nacionaliste e Orbanit e ka qeverisur qytetin prej rreth 45 mijë banorësh gjatë dy dekadave të fundit.

Megjithatë, sondazhet tregojnë se Fidesz është ende favorite për zgjedhjet parlamentare në Hungari, që do të mbahen më 8 prill.

Shpërndaje në rrjete sociale

Lajmet më të lexuara

Të ngjashme

Foto lajm