Iraku dënon me vdekje 16 gra nga Turqia, shkak pjesëmarrja në ISIS

22:11 | 25 Shkurt 2018
Trina Galanxhi

Gjashtëmbëdhjetë gra turke janë dënuar me vdekje pasi janë shpallur fajtore për pjesëmarrjen e tyre në Shtetin Islamik.

Ekzekutimi i grave është kryer me varje, kanë deklaruar autoritetet, transmeton portali arbresh.info

“Është dëshmuar se ato i përkasin grupit terrorist ISIS”, tha gjykatësi Abdul-Sattar al-Birqdar.

Aktualisht në Irak mbahen rreth 500 gra të huaja, të cilat pritet të përballen me gjyq.

Një tjetër femër turke është dënuar me vdekje gjatë javës së kaluar, ndërsa dhjetë gra të tjera me shtetësi të huaj janë dënuar me burgim të përjetshëm.

Pjesa më e madhe e grave që i janë bashkëngjitur ISIS-it janë nga Turqia dhe Rusia.

Përveç 1,500 grave dhe fëmijëve ISIS që mbahen në arrest, më shumë se 1,700 meshkuj me shtetësi të huaj mbahen në Irak, ndërsa presin të dalin para gjyqit.

Më shumë se 90 janë ekzekutuar për krimet e tyre./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm