Ky është moti për javën e ardhshme

15:53 | 25 Shkurt 2018
Arbresh.info

Sipas parashikimit të Institutit Hidrometeorologjik të Kosovës (IHK), mbi vendin tonë gjatë javës së ardhshme do të mbajë mot i ftohët dhe me reshje bore, deri ditën e premte.

IHK njofton se fushat me presion të ulët atmosferik, të cilat kanë ardhur nga viset polare, do të jenë të qëndrueshme deri ditën e enjte, duke mbajtur këtë situatë meteorologjike me mot kryesisht të vranët dhe me reshje të borës.

Temperaturat minimale do të lëvizin nga -7 deri -9 gradë Celsius, ndërsa maksimalet e ditës parashihet të lëvizin ndërmjet -3 deri 0 gradë Celsius.

Të enjten temperaturat mund të regjistrojnë vlera negative nën -10 gradë Celsius, por që këto vlera mund të arrijnë vetëm në orët e hershme të ditës.

Nga dita e premte e tutje. merkuri në termometër do të kaloj mbi vlerat e zeros, duke vazhduar rritje dita –ditës.

Do të fryjë erë nga verilindja dhe juglindja me shpejtësi mbi 9m/s.

Shpërndaje në rrjete sociale

Lajmet më të lexuara

Të ngjashme

Foto lajm