Rikthehet acari, ky është moti për sot dhe fundjavë

08:04 | 23 Shkurt 2018
M. A.

Nga java tjetër rikthehet acari Sot, mbi vendin tonë, parashihet të mbajë mot kryesisht i vranët me temperatura që do të lëvizin në mes 3 e 9 gradë celsius.

Nesër, po ashtu, parashihet të mbajë mot kryesisht i vranët, mirëpo, për ndryshim nga sot, në orët e pasdites vranësirat do të marrin karakter zhvillimi dhe do të sjellin reshje bore.

Temperaturat do të shënojnë rënie të ndjeshme ato do të sillën në mes minus 4 e 5 gradë celsius. Dita e dytë e fundjavës, pra e diela, do të karakterizohet me reshje bore dhe me temperatura të ulëta, ato do të sillën në mes minus 9 e minus 3 gradë celsius.

Gjykuar sipas ecurive sinoptike, duke filluar nga e diela, acari polar nga Siberia do të përfshijë edhe rajonin tonë, kështu në pjesën e parë të javës së ardhshme pritet të kemi mot të vranët, reshje bore dhe temperatura shumë të ulëta, ato do të sillën në mes minus 13 e minus 3 gradë celsius.

Shpërndaje në rrjete sociale

Lajmet më të lexuara

Të ngjashme

Foto lajm