Andres Iniesta ndihet i tradhtuar nga Lionel Messi dhe Luis Suarez për shkak se ata kanë kërkuar transferimin e Philippe Coutinhos në Barcelonë.
Iniesta po i afrohet fundit të karrierës së tij të shquar si për klubin ashtu edhe vendin e tij, kohë gjatë të cilës ka fituar katër herë Ligën e Kampionëve dhe një herë Kampionatin Botëror, transmeton portali arbresh.info.
Barcelona ka qenë duke planifikuar që një kohë largimin e tij dhe ka negociuar me Coutinhon për të marrë rolin e tij si anësor në mesfushë. Gjiganti në La Liga përfundimisht siguroi marrëveshje duke nënshkruar me brazilianin gjatë muajit janar për 160 milionë euro nga Liverpooli.
Raportet e fundit nga Spanja sugjerojnë që Iniesta është duke shqyrtuar të ardhmen e tij si pasoj e raportit të Messit dhe Suarezit me Philippe Coutinhon. Bazuar në një raport nga ‘Diario Gol’, Andres Iniesta ndien se ka më pak mbështetje nga bashkëlojtarët e tij në Camp Nou te dhoma e zhveshjes.
Iniesta thuhet se beson që koha e tij te Barcelona ka ardhur në fund dhe supozohet se ndihet i tradhtuar nga Messi dhe Suarez për pjesën e tij në arritjen e Coutinhos. Coutinhos ka potencial për të hequr Andres Iniestan nga linja startuese e Barcelonës edhe pse ende nuk e ka bërë një gjë të tillë, transmeton portali arbresh.info. Për shkak të kësaj, Iniesta është i pakënaqur që Messi dhe Suarez kanë ndihmuar deri në ardhjen e kësaj situate.
“Edhe nëse fitoj Ligën e Kampionëve, unë do të largohem”, citohet nga gazeta e lartpërmendur t’i ketë thënë Andres Iniesta mbrojtësit Gerard Pique.
Sugjerohet gjithashtu se Iniesta mund të ndjek hapat e Javier Mascheranos për transferim në Super Ligë të Kinës./arbresh.info/
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban