Vështirë për Barcelonën

12:00 | 20 Shkurt 2018
Arbresh.info

Trajneri Ernesto Valverde ka mbajtur konferencën për shtyp para ndeshjes Chelsea – Barcelona.

Dita e sotme (20.45) do të sjellë përballë dy nga skuadrat më të mëdha evropiane, atë të Chelsea dhe Barcelonës, në 1/16 e Ligës së Kampionëve.

Do të jetë ‘Stamford Bridge’ stadiumi nikoqir i ndeshjes së parë.

Trajneri i Barcelonës në konferencën e mbajtur, është ndalur të flas edhe për Lionel Messin, që kurrë në karrierën e tij nuk i ka shënuar gol Chelsea, edhe pse ka zhvilluar tetë ndeshje kundër kësaj skuadre.

“Ndeshja është e rëndësishme për Leo Messin, për mua dhe të gjithë”, deklaroi Valverde.

“Për Barcelonën do të jetë një ndeshje e vështirë, por është e rëndësishme sepse ne duam të kualifikohemi. Leo ndoshta nuk ka pasur shumë fat përballë Chelsea më parë, por ndeshja e nesërme do të jetë ndryshe”, ka shtuar trajneri spanjoll.

Shpërndaje në rrjete sociale

Lajmet më të lexuara

Të ngjashme

Foto lajm