Google ADS

Wigani eliminon Manchester City nga FA Cup, City kishte mbrojtjen 100 milionëshe nga minuta e parë

22:54 | 19 Shkurt 2018
Arbresh.info

Manchester City është mposhtur në udhëtim te skuadra e kategorisë së tretë, Wigan Athletic, me rezultat minimal 1-0 duke u eleminuar nga gara e parë, FA Cup.

Gjasat e Cityt për të mbyllur sezonin me katër trofe janë zero pas këtij takimi.

Skuadra e Guardiolës dominoi totalisht edhe pse ishte me një lojtarë më pak, pasi Fabian Delph u ndëshkua me karton të kuq në fund të pjesës së parë.

City kishte posedimin e topit 82 %, ndërsa Wigan vetëm 18 %.

Në pjesën e dytë City natyrisht se doninoi, megjithatë, Wigani kishte fjalën e fundit në takim.

Vendasit shënuan me anë të një kundërsulmi të shpejtë, të cilin sulmuesi, Will Grigg,  e konkretezoi me gol në minutën e 79 për rezultatin 1 me 0.

Deri në fund të takimit City tentoi që të barazonte për të siguruar nëj barazim në këtë takim dhe një ndeshje kthyese, por City nuk ja doli që ta bënte këtë.

City kështu eleminohet nga FA Cup, kurse Wigani avansohet në çerekfinale. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm