Google ADS

Dështon Igli Tare, nuk e bind yllin e skuadrës ta rinovojë kontratën

21:48 | 19 Shkurt 2018
Arbresh.info

Drejtori sportiv shqiptar i Lazios, Igli Tare, ka konfirmuar lajmin e hidhur se qendërmbrojtësi holandez, Stefan de Vrij, do të largohet në fund të këtij sezoni.

Tare ka bërë të ditur se klubi ka tërhequr ofertën e fundit, që kishin bërë për De Vrij, i cili nuk ishte i kënaqur me kushtet e ofruara.

Megjithatë, Tare e ka falënderuar atë për përkushtimin ndaj klubit, skuadrës dhe tifozëve.

“Lazio ka tërhequr propozimin për kontratën e re të De Vrij”, ka thënë Tare për Mediaset Premium.

“Ne kemi tërhequr ofertën tonë për arsye që do t’i bëjmë të dituar më vonë. Ishte një zgjedhje e bërë pas disa muajsh bisedime, por kishte një limit”, vazhdoi ai.

“Ai ka qenë profesionist i jashtëzakonshëm dhe e falënderojmë për çka ka bërë dhe do të bëj deri në fund të sezonit. Ai i ka dhënë shumë këtij klubi, por rrugët tona do të ndahen në qershor”, u shpreh ai në fund.

De Vrij po kërkohet nga shumë skuadra, ndër to Inter, Juventus dhe Manchester United. /arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm