Në Konferencën Ndërkombëtare të Sigurisë që po zhvillohet në Mynih, kryediplomati gjerman Sigmar Gabriel tha se bota është në buzë të humnerës dhe se retë e rrezikut janë shpërndarë kudo.
“Besueshmëria e përgjegjshmëria janë bërë virtyte të rralla në politikën ndërkombëtare. Ne nuk jemi më të sigurtë nëse e njohim Amerikën tonë”, tha Gabriel.
Gjithashtu, një raport i ri për sigurinë i titulluar “Deri në humnerë – dhe prapa kthehu?” konstaton një rritje të pasigurisë. Në parathënien e tij kryetari i konferencës së Mynihut Wolfgang Ischinger shkruan se vitin e kaluar bota ka qenë shumë më pranë konfliketeve të rënda të armatosura.
Ischinger u referohet raporteve të rrezikshme mes SHBA-së dhe Koresë së Veriut, rivalitetit në rritje midis Arabisë Saudite dhe Iranit e tensioneve të larta midis NATO-s dhe Rusisë në Evropë.
Në raport thuhet se SHBA-ja po tërhiqet nga roli i udhëheqësit. Ajo tregon pak interes në ndërtimin e institucioneve rajonale apo globale që vendosin rregulla për formësimin e marrëdhënieve ndërkombëtare. Eksperti i politikës së jashtme amerikane, G. John Ikenus citohet të thotë kombi më i fuqishëm në botë ka filluar të sabotojë rendin që ka krijuar vetë./tch/
KOMF: Nuk duhet të lejojmë asnjë lëvizje që synon largimin e...
Lushaku -Sadriu i ndalon në shkollat e Prishtinës doracakët ...
Mihaila: Nuk duhet ta nënvlerësojmë Kosovën, shpresojmë që t...
Ambasadori i Shqipërisë kërkon bashkërendim në dialogun Koso...
IPK rekomandoi suspendimin e tre punonjësve të policisë
Kurti mirëpriti Kryetarin e Partisë për Veprim Demokratik të...
Skip to content
