Google ADS

Hoti: Nuk kemi çka të konsultohemi për marrëveshjen e re të demarkacionit, është e njëjta

11:40 | 16 Shkurt 2018
Arbresh.info

Shefi i Grupit Parlamentar të LDK-së, Avdullah Hoti ka thënë se  nuk sheh asgjë të re në marrëveshjen e re për demarkacionin të cilën e ka prezantuar presidenti i vendit Hashim Thaçi, shkruan arbresh.info.

Ai ka deklaruar se qëndrojnë para deklaratave të tyre se pas votimit të demarkacionit qeveria e tanishme duhet të shpërbëhet dhe vendi të shkojë në zgjedhje.

“Ne i qëndrojmë atyre që kemi thënë dhe pas votimit të demarkacionit duhet të shkojmë në zgjedhje. Ne jemi duke përgatitur platformën e re qeverisëse. Do të hapim debat me qytetarë për punësim, biznese e ekonomi”, ka thënë ai.

Ndër të tjera Hoti ka folur edhe për prezantimin e marrëveshjes nga presidenti Thaçi me presidentin r malit të zi.

“Kemi humbur shumë kohë dhe kjo çështje po kthehet prapë në zero. Është dashur të ratifikohet. Në këtë marrëveshje konfirmohet pikë për pikë marrëveshja e demarkacionit. Nuk shoh asgjë që të konsultohemi për këtë”, ka thënë ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm