Prokurori i Tribunalit Special, David Schwendiman ka lajmëruar largimin e tij, ndërsa Bashkimi Evropian është në kërkim të një prokurori të ri, që kushdo që të jetë, Schwendiman dha mesazhin që asgjë rreth Gjykatës Speciale nuk do të ndryshojë.
Kwai Hong Ip, zëvendësi i z. Schwendiman, do të marrë përsipër detyrën si Prokuror i Specializuar i Përkohshëm, derisa të emërohet një prokuror tjetër në vend të Schwendimanit.
Në njoftimin e largimit të tij, Schwendiman tha se nuk ka të bëjë me mungesë të zotimit të hetimeve, por për shkak se skadon emërimi i tij në fund të këtij marsi, shkruan Gazeta Express.
Në këtë deklaratë, Schwendiman e bëri të qartë që nuk po e jep dorëheqje as nuk po shkarkohet dhe që largimi i tij i shpejtë nuk paraqet një ndryshim në politika ose zotim ndaj punës së Zyrës së Prokurorit të Specializuar nga ana e SHBA-së ose nga ana e Bashkimit Evropian ose nga bashkësia ndërkombëtare në përgjithësi.
Schwendiman pati disa fjalë për të qartësuar qëllimet e Gjykatës Speciale edhe kur në vend të tij do të vijë dikush tjetër.
“Një parim kryesor i punës sonë gjithmonë ka qenë përgjegjësia individuale – duke mbajtur njerëz përgjegjës për veprat e veta, për çka kanë bërë si individë – puna jonë asnjëherë nuk ka qenë për ndryshimin e historisë ose për të veçuar grupe të caktuara për dënim”, ka thënë ai.
“As kjo nuk do të ndryshohet kur një Prokuror i Specializuar i ri do të marrë përsipër detyrën,” shtoi ai. /Express/
Sot në ora 14:43 fillon sitna e vjeshtës, IHMK njofton për p...
Të shtëna masive në Alabama, të paktën katër të vdekur dhe s...
Rikthimi i shërbimit ushtarak në Serbi, Mustafi: Rinia shqip...
Policia shqiptoi mbi 2200 gjoba brenda 24 orëve në Kosovë
26-vjetori i rënies, Osmani kujton Xhevë dhe Fehmi Lladrovci...
Hasani ne New York: Përsërita angazhimin e Shqipërisë për fu...