Tetë kandidatë do të garojnë në zgjedhjet presidenciale të 18 marsit në Rusi, në të cilat parashikohet fitorja e presidentit aktual, Vladimir Putin.
Lista e kandidatëve është finalizuar kur Komisioni Qendror Zgjedhor ka miratuar zyrtarisht kandidimin e Ksenia Sobchak dhe Maksim Suraikin në ditën e fundit të procesit të regjistrimit.
Në një takim të transmetuar drejtpërdrejt në Moskë, shefja e komisionit, Ella Pamfilova, ka thënë se tetë kandidatë do të garojnë për zyrën më të lartë të shtetit.
Popullariteti i Putinit, kontrolli i tij në nivelet e pushtetit dhe ajo çfarë e cilësojnë kritiket si vite të tëra të shtypjes së kundërshtarëve, i sigurojnë edhe një tjetër fitore.
Aktivistët opozitarë kanë thënë se në zgjedhjet e kaluara, Kremlini ka përdorur një mori taktikash, gjatë fushatës dhe në ditën e zgjedhjeve për të manipuluar votimin, në mënyrë që të arrihen rezultatet e dëshiruara.
Sobchak është gazetare dhe personalitet televiziv, e nominuar nga Partia e Iniciativës Civile.
Suraikin është i njohur pak si lider i Partisë Komuniste të Rusisë, e cila është e ndarë nga partia disa herë më e madhe e ashtuquajtur, Partia Komuniste.
Gjashtë kandidatët e tjerë të regjistruar më herët janë Vladimir Putin, Boris Titov, Sergei Baburin, Grigory Yavlinsky, Vladimir Zhirinovsky dhe Pavel Grudinin.
Politikanit opozitar, Aleksei Navalny, kritikut të ashpër të Putinit, është ndaluar e drejta e kandidimit për shkak të një dënimi kriminal, për të cilën ai thotë se ka qenë i motivuar politikisht.
Ai u ka bërë thirrje rusëve të bojkotojnë votimin./gsh/
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...
Një i moshuar vdes në një kafiteri në Obiliq, policia nis he...
Superliga vazhdon sot me dy superduele