Google ADS

Ministria e Bujqësisë dhe USAID me projekte të përbashkëta për bujqësi

12:00 | 6 Shkurt 2018
Arbresh.info

Ministri i Bujqësisë, Nenad Rikalo, ka pritur në një takim drejtorin e USAID për Kosovë, James Hope, me të cilin kanë biseduar për vazhdimin e bashkëpunimit në sektorin e bujqësisë, përmes investimeve në projekte të reja.

Rikalo e njoftoi atë me programin e ministrisë për zhvillim rural.

Ai tha se ky program në vazhdimësi ka sjellë rezultate dhe falë investimeve në bujqësi është siguruar rritje ekonomike në vend, vende të reja pune dhe rritje të prodhimit vendor.

Ministri i Bujqësisë poashtu ka folur edhe për prioritetet për këtë vit, ku ka ritheksuar se do t’i japin prioritet kryesor efikasitetit në implementimin e programeve mbështetëse për fermerët dhe agrobizneset.

Ai vlerësoi lartë projektet e USAID, që sipas tij po ndikojnë në zhvillimin edhe fuqizimin e sektorit të bujqësisë në vend.

Nga ana tjetër, drejtori i USAID, James Hope tha se mbështetja e kësaj organizate do të vazhdojë përmes projekteve të ndryshme bujqësore.

Shpërndaje në rrjete sociale

Lajmet më të lexuara

Të ngjashme

Foto lajm