Google ADS

Prokuroria ngrit aktakuzë ndaj drejtorit të Urbanizmit

23:57 | 5 Shkurt 2018
Arbresh.info

Prokuroria Themelore e Gjilanit ka ngritur aktakuzë ndaj drejtorit të Urbanizmit në Gjilan, Valon Shefkiu.

Sipas aktakuzës së siguruar nga Kallxo.com, më datë 2 janar të këtij viti, Valon Shefkiu, me qëllim të shkaktimit të frikësimit dhe të ankthit, ka kanosur me fjalë gazetarin Musa Sabedinin pasi që ky i fundit ka publikuar një artikull në lidhje me Shefkiun.

Gjithmonë sipas aktakuzës, Shefkiu e ka thirrur në telefon gazetarin Musa Sabedini duke iu drejtuar me fjalët: “Nga sot e tutje kjo çështje është personale… se je tu u marrë ti shumë me mu.. dhe dikujt unë kam me ja q… nanën”.

Sipas Prokurorisë, Shefkiu me këtë kërcënim ka kryer veprën penale kanosje.

Prokuroria konsideron se kjo aktakuzë është bazuar mirë në mënyrë të ligjshme dhe për këtë arsye i propozon Gjykatës që pas mbajtjes së shqyrtimit gjyqësor dhe administrimit të provave i pandehuri të shpallet fajtor për veprën penale.

Shpërndaje në rrjete sociale

Lajmet më të lexuara

Të ngjashme

Foto lajm