Qeveria e Britanisë së Madhe ka lansuar një dokument konsultimi mbi planet për të rritur dënimin maksimal për piratët online nga dy në 10 vite burgim.
Ndryshimet e propozuara për dënime janë paraqitur në Departamentin për Biznes, Inovacion dhe Aftësi, dhe për këtë Zyra e Pronës Intelektuale ka ndryshuar vendimin për dënimet online, shkruan arbresh.info. Sipas propozimit, kjo do të thotë se dënimi për të drejtat e autorit në internet do të jetë i barabartë me veprat penale që kanë të bëjnë me shkeljen e të drejtave të autorit për mallra fizike.
Sipas rregullores aktuale, piratët online mund të marrin dënimin maksimal prej dy viteve burgim, ndërsa dënimi maksimal për shkeljen e të drejtave për mallra fizike është 10 vite.
“Qeveria merr krimin mbi të drejtat e autorit jashtëzakonisht seriozisht, ajo dëmton dukshëm bizneset, konsumatorët dhe ekonominë më gjerë. Industritë tona vlejnë më shumë se 7 miliardë funta në ekonominë e Britanisë së Madhe dhe është e rëndësishme për të mbrojtur ato nga ndërmarrjet e kriminelëve online”, tha Neville Rofle, Ministrja e Pronës Intelektuale, transmeton arbresh.info.
Ndërkohë, drejtori i Njësisë së Policisë Intelektuale të Krimit të Pronës, Peter Ratcliffe ka thënë që njësia e tyre do e mirëpres konsullatën dhe do të jetë në harmonizim me sanksionet penale të mundshme për piratët online.
“Brenda internetit apo jashtë tij, vjedhja e pronës intelektuale është një krim. Me zhvillimin në teknologji dhe popullaritetin e internetit, shumë kriminel janë duke kthyer vëmendjen tek kriminaliteti online, kështu që për ne është e domosdoshme që sistemi ynë i prokurorisë të pasqyroj lëvizjet tona për një botë më të digjitalizuar “, tha Ratcliffe./arbresh.info
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...