Orban dhe Kurz bien dakord, do të luftojnë emigracionin

21:24 | 31 Janar 2018
Trina Galanxhi

Udhëheqësit e Austrisë dhe Hungarisë biseduan të martën në Vienë dhe u zotuan të vazhdojnë përpjekjet e tyre kundër migracionit të paligjshëm.

“Ne duhet të ndalojmë migrmin e paligjshëm në mënyrë që të sigurojmë siguri përgjatë bllokut”, tha kancelari austriak, Sebastian Kurz në një konferencë të përbashkët me kryeministrin hungarez Victor Orban, transmeton portali arbresh.info

Orban i cili arriti në Vientë të hënën vonë, u takua me kreun austriak për të diskutuar mbylljen e rrugës së migracionit ballkanik dhe për  sigurinë e kufijve të jashtëm të BE-së.

Victor Orban tha se “kërcënimi më i madh sot” është eksodi masiv. Ai shtoi se asnjë vend i BE-së nuk ka nevojë për “shoqëri paralele”, duke iu referuar një mungesë integrimi, raportoi Die Presse.

Kurz tha se Austria do të vazhdojë të dërgojë forcat e sigurisë të vendit në Hungari për të siguruar kufirin atje.

Pas takimit, Kurz përmes mediave sociale shtoi se “Hungaria është fqinjë i rëndësishëm për Austrinë”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm