Mot kryesisht me diell dhe mjegull në ultësira vazhdon edhe në fillim të javës. Në pjesën e dytë të javës gradualisht pritet përkeqësim i motit me mundësi edhe për të reshura shiu dhe bore
29-31.01 – Ditëve të fundit të muajit janar do të mbajë mot më i butë, kryesisht me diell. Në mëngjes ngrica, e në vise të ulëta mundësi për mjegull, ku vende-vende mund të mbetet edhe gjatë ditës.
1.02 – Pas mëngjesit me mjegull, gjatë ditës vransirat do të shtohen.
2.02 – Mot kryesisht me vransira dhe erë. Pasdite dhe në mbrëmje priten reshje shiu, që më vonë me rënie të temperaturave do të përzien edhe me borë.
Edhe këtyre ditëve të para të javës, ku fushat e presionit të lartë mbeten ende të fuqishme, do të vazhdojnë inverzionet termike dhe mungesa e qarkullimit të ajrit. Vlerat ditore të indeksit AQI do të mbeten të larta në vlera të pashëndetshme, por me tendencë të përmirësimit.
Temperaturat e ajrit do të mbeten mbi vlera mesatare. Minimalet do të luhaten nga -4C deri në 2C, e ato maksimale nga 8C deri në 10C. Në ultësira ku mjegulla mund të mbetet edhe gjatë ditës, temperaturat do të jenë më të ulëta në të dy vlerat ekstreme, minimalet mund të zbresin deri në -10C, e maksimalet do të rriten në 0C deri 4C.
Era do të fryejë lehtë drejtimesh të ndryshme 1-3m/s, e nga dita e enjte mesatarisht e fuqishme nga krahu jugor 3-14m/s. Shtypja atmosferike do të mbetet e lartë mbi vlera normale, por me tendencë të rënies graduale rreth këtyre vlerave.
Hamza: Fehmi dhe Xhevë Lladrovci janë heronj të mëdhenj dhe ...
Ana Lika dhe Bjordi Mezini po bëhen prindër, zbulojnë gjinin...
OKB-ja miraton paktin për “një të ardhme më të ndritur” për ...
Ermal Krasniqi realizon gol
Luiz Ejlli shumë shpejtë më projekt të ri
Si të lani karriget e kopshtit: Nëse janë të bardha, ato do ...