“Gabigol” dështon keq në Evropë, rikthehet te Santos

08:35 | 24 Janar 2018
Arbresh.info

Sulmuesi brazilian i Interit, Gabriel Barbosa, është shumë afër transferimit te klubi brazilian, Santos.

I njohur si “Gabigol”, sulmuesi i ri i talentuar nuk ka arritur të shfaqë aftësitë e tij në futbollin evropian, më saktësisht tek Inter.

Ai sezonin e kaluar kishte vetëm dhjetë paraqitje për ziekaltërtit duke shënuar vetëm një gol.

Sipas gazetarit italian të Sky Sports, Fabrizo Romano, 21-vjeçari pritet të huazohet te Santos dhe në vend të tij të vijë Daniel Sturridge nga Liverpooli, edhe ky në formë të huazimit, transmeton arbresh.info.

Gabigol në këtë sezon është i huazuar në Benfica, por edhe aty ka dështuar të tregojë talentin e tij, duke mos shënuar asnjë gol deri tani. /arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm