Google ADS

Gjermania e shqetësuar për operacionin e Turqisë në Siri

21:04 | 22 Janar 2018
Trina Galanxhi

Ministri i Jashtëm gjerman, Sigmar Gabriel ka zhvilluar bisedë telefonike me homologun e tij turk, ku i ka shprehur shqetësimet rreth ofensives turke në Sirinë veriore.

Gabriel i tha Mevlut Cavusoglu të Turqisë se Gjermania është e shqetësuar për pasojat humanitare të një përshkallëzimi në Siri dhe që të dy diplomatët janë pajtuar që procesi politik sirian tani duhet të vazhdojë në mënyrë intensive, shkruan “Rueters”, transmeton portali arbresh.info

Presidenti turk, Recep Tayyip Erdogan, ka deklaruar se nuk do të ketë “asnjë kthim prapa” nga sulmet ajrore që kanë për qëllim shkatërrimin e luftëtarëve të YPG kurdë të mbështetur nga SHBA-të, të cilët kontrollojnë rajonin Afrin të Sirisë.

Shqetësimet gjermane lidhur me përparimin e Turqisë mund të komplikojnë një afrim në rritje midis aleatëve të NATO-s që u mblodhën kur Gabriel dhe Cavusoglu u takuan në Gjermani këtë muaj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm