Bujqit e Prishtinës krenohen me kualitetin e rendimenteve të tyre

08:25 | 18 Korrik 2015
Arbresh.info

Fermerët e fshatrave të Prishtinës kanë nisur korrjen e rendimenteve të grurit, raporton “038” në KTV.

Në fshatin Lebanë, familja Dobratiqi mbijeton nga kultivimi i grurit. Këtë vit për dallim nga ai i kaluari – kur arat u vërshuan nga uji – fermerët nuk patën telashe.

Kësisoj bujqit thonë se rendimentet kanë kualitet më të mirë.

Sipas tyre problem për punën 1 vjeçare të tyre është fitimi i ulët ngase çmimi ka rënë dukshëm.

Nëpër mulli, fermerët presin në radhë për të përpunuar grurin. Ata thonë se përkundër punës që bëjnë në treg më shumë shitet mielli i importuar.

Ndërkohë nëpër mulli thonë se blejnë nga fermerët vendorë aq sa kanë nevojë dhe mundësi.

Ndryshe fshatrat e Komunës së Prishtinës përveç kultivimit të grurit njihen për kultivim të patates.

 

 

Shpërndaje në rrjete sociale

Lajmet më të lexuara

Të ngjashme

Foto lajm