Michael Carrick në fund të sezonit pensionohet

09:53 | 20 Janar 2018
Arbresh.info

Kapiteni i Manchester Unitedit, Michael Carrick do të tërhiqet nga futbolli në fund të sezonit.

Trajneri portugez, Jose Mourinho konfirmoi se 36-vjeçarit i është ofruar një rol në stafin e tij dhe pritet që ai mesfushori anglez ta pranojë.

Carrick që nga muaji shtator nuk është paraqitur në fanellën e United, për  shkak të problemeve me zemrën, kur u konstatua se ka rrahje të përshpejtuar të saj.

“Klubi do të ishte shumë i lumtur që ai ta bënte këtë. Edhe unë do të isha shumë i lumtur”, tha Mourinho.

“Pres që ai të na bashkohet. Mendoj se është një vendim i mirë për skuadrën dhe një vendim i mirë që të largohet para se të ketë ndonjë problem edhe më të madh”, përfundoi trajneri portugez.

Carrick, pesë herë kampion i Ligës Premier League, pati një sulm kardiak – një trajtim që synon kontrollin ose korrigjimin e ritmeve të ndryshme të zemrës anormale.

Carrick ishte transferuar në United në vitin 2006 pas dy vitesh qëndrimi te Tottenham Spurs. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm