Google ADS

Veseli: Jonuz Musliu gjithë jetën ia ka dedikuar kauzës kombëtare

17:34 | 18 Janar 2018
Arbresh.info

Sot ka ndërruar jetë Kryetari i Këshillit Nacional të Bujanovcit, Jonuz Musliu.

E në lidhjen me vdekjen e tij ka shprehur ngushëllimet edhe Kryetari i Kuvendit të Kosovës, Kadri Veseli, shkruan arbresh.info.

Veseli përmes një statusi në Facebook, ka thënë se Musliu ka qenë një ndër veprimtarët e hershëm dhe ka dhënë një kontribut të madh për popullin shqiptar.

Ky është postimi i plotë i Veselit:

“Me keqardhje të madhe mora lajmin e hidhur të ndarjes nga jeta të një prej miqve dhe bashkëluftëtarëve të mi, Jonuz Musliut. Jonuzi ka qenë një ndër veprimtarët më të hershëm dhe më kontribues në përpjekjet e popullit tonë për liri e barazi dhe gjithë jetën ai ia ka dedikuar kauzës kombëtare. Ikja e tij e parakohshme jo vetëm që pikëllon familjarët, miqtë e bashkëpunëtorët e tij por edhe lë një boshllëk të madh në sferën politike të bashkëkombëseve tanë në Luginën e Preshevës”, ka shkruar Veseli.

Shpërndaje në rrjete sociale

Lajmet më të lexuara

Të ngjashme

Foto lajm