Në konferencën e përbashkët për shtyp të sekretarit të përgjithshëm të NATO-s, Jens Stoltenberg dhe kryeministrit të Maqedonisë, Zoran Zaev u theksua rëndësia e zbatimit të reformave ligjore dhe zgjidhja e çështjes së emrit për anëtarësim të Republikës së Maqedonisë në NATO, shkruan Telegrafi Maqedoni.
Kryeministri Zaev shprehu falënderimin e tij për vizitën e kreut të NATO-s në Maqedoni dhe theksoi pritjet e tij se viti 2018 do të jetë vit historik për vendin, duke shprehur besimin në zgjidhjen e çështjes së emrit për anëtarësim në NATO dhe fillimin e negociatave me BE-në.
Stoltenberg falënderoi kryeministrin Zaev duke thënë se kjo vizitë e parë në Maqedoni ka kaluar shumë mirë. Ai tha se NATO vlerëson përpjekjet e pandërprera të Maqedonisë për plotësimin e kërkesave për anëtarësim, duke theksuar kontributin që jep Maqedonia në misionet paqësore të Aleancë në shumë vende të botës.
Këto reforma janë thelbësore, ju inkurajoj të vazhdoni në rrugëne ndryshimeve. Anëtarësimi në NATO kërkon ndryshime dhe përkushtim, por dyert e NATO-s mbeten të hapura. Shembull për këtë është anëtarësimi i Malit të Zi në NATO, gjë që tregon ndryshimet e mëdha që kanë kaluar shtetet e Ballkanit Perëndimor”, tha Stoltenberg.
Në pyetjen e gazetarëve për mundësinë e anëtarësimit me referencë të përkohshme të Maqedonisë si IRJM, Stoltenberg përsëriti se kjo alternativë nuk është e mundur dhe tha se vazhdon të vlejë kërkesa nga Samiti i Bukureshtit, pra pa zgjidhjen e çështjes së emrit nuk mund të ketë bashkangjitje në NATO./Telegrafi/
Kosova pjesë e marrëveshjes së ShBA-së për inteligjencë arti...
BE ankesë në OBT ndaj Kinës
“Shqipëria, një perlë e vërtetë e Ballkanit”
Sri Lanka, merr detyrën presidenti i majtë pas fitores së gj...
Komuna e Prishtinës në pritje të votimit të buxhetit për vit...
Qeveria emërton rrugën Ballaban – Banjskë me emrin e heroit ...