Të mërkurën, në mbledhjen e Kryesisë në ora 11:00 pritet të shqyrtohet procedimi i projektligjit për shfuqizimin e Gjykatës Speciale, pavarësisht kundërshtimit të ashpër ndërkombëtar.
Gazeta Express, të hënën ka folur me Nënkryetarët e Kuvendit të Kosovës Xhavit Halitin e PDK’së dhe Kujtim Shalën e LDK’së. Shala ka thënë se për shtyrjen e mbledhjes nga e hëna për ditën e mërkurë nuk është dhënë asnjë shpjegim.
Mbledhja e kryesisë së Kuvendit, ishte paraparë të mbahej sot, ku si pikë e rendit të ditës do të ishte procedimi i projektligjit për shfuqizimin e Gjykatës Speciale, mirëpo mbledhja është shtyrë për të mërkurën në orën 11:00.
Anëtarët e Kryesisë së Kuvendit njoftuar që mbledhja e ardhshme do të jetë të mërkuren, mirëpo ata nuk janë njoftuar për rendin e ditës.
Nënkryetari i Kryesisë së Kuvendit, Xhavit Haliti thotë se nuk e dinë ende se cilat janë pikat e rendit të ditës për mbledhjen e kryesisë.
“Mbledhja e ardhshme është të mërkurën në orën 11:00, mirëpo asnjë nga anëtarët nuk e kemi rendin e ditës”, ka thënë shkurt për Express, Xhavit Haliti.
Gazeta Express ka kontaktuar gjithashtu edhe me Nënkryetarin e Kuvendit nga radhët e LDK’së Kujtim Shalën, i cili thotë se mbledhja e caktuar fillimisht për ditën e hënë, është shtyrë pa ndonjë shpjegim dhe se rendin e ditës për ditën e mërkurë ende nuk e kanë marrë.
Shala mes tjerash ka bërë të ditur se qëndrimi i LDK-së karshi Gjykatës Speciale është i njëjte.
“Ne nuk kemi ndryshuar qëndrim, kemi qenë dhe do të jemi kundër që Gjykata Speciale të shfuqizohet”, ka thënë Kujtim Shala.
PSG refuzon t’i paguajë shifrën marramendëse Mbappes
“Kosova Kosova” brohorasin kadetët dhe ushtarët amerikanë, O...
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...