Me rikthimin e Jupp Heynckes, Bayerni i Mynihut ka rigjetur ritmin.
Vendi i parë në klasifikimin e Bundesligës dhe ecuria e mirë në Ligën e Kampionëve janë sinjale që bavarezët e kanë kaluar krizën e fillim sezonit dhe tashmë po mendojnë për objektiva të rëndësishëm.
Fitorja 3-1 si mysafirë i Leverkusenit është një konfirmim i qartë se ecuria fantastike në muajt e fundit nuk është thjesht fat, Bayerni i Mynihut është rikthyer i frikshëm.
Faktet janë të qarta, Jupp Heynckes duket se po ridimensionon grupin aktual, pavarësisht problemeve të shumta me dëmtimet. Në këtë mënyrë, jo vetëm rezultatet, por edhe puna e njeriut të tre titujve në vitin 2013 po tërheq gjithmonë e më shumë vëmendjen e drejtuesve të klubit, që duhet të zgjidhin me çdo kusht një problem të madh.
Heynckes ka një kontratë që i skadon në fund të sezonit dhe disa herë ka shprehur bindjen se nuk dëshiron të vazhdojë më tej, prandaj në rrugën e klubit del detyra e vështirë për ta bindur trajnerin të vazhdojë punën për të paktën edhe një sezon. Administratori i deleguar, Karl-Heinz Rummenigge shprehet se po punon për ta bindur Heynckes të vazhdojë projektin.
“Ne dëshirojmë që të vazhdojë dhe do të luftojmë për ta bindur. Nëse do të jetë e pamundur dhe do të kërkojë të largohet, atëherë pa dyshim zëvendësuesi i tij do të jetë gjerman”, thekson Rummenigge. /SS/
Ekspertët e sigurisë kibernetike dhe psikologët tregojnë mas...
Superliga vazhdon me ndeshjet e xhiros së nëntë, luhet në Su...
46 aksidente trafiku brenda 24-orëve
Dëmtohet një varrezë në Fushë Kosovë, policia po heton rasti...
Të shtëna me armë zjarri në Prishtinë, arrestohet një person
Gjendet në rrugë pa shenja jete një person në Gjilan