Nissan ishte prodhuesi i parë që debutoi në tregun botëror me veturën e parë elektrike, në dhjetor të vitit 2010, ndërsa edhe sot e kësaj dite Nissan LEAF është ende makina më e shitur elektrike në botë.
Shitja e njësisë së 300,000 e Nissan Leaf është njoftuar më 8 janar 2018, pak më shumë se shtatë vjet që nga ardhja e njësisë së parë.
Më së shumti Nissan Leaf janë shitur në SHBA – ose saktësisht 114,827 më shumë se në çdo vend tjetër. Një tjetër sasi prej rreth 90,000 njësive u shitën në Japoni. Pra, për pjesën tjetër të botës, (kryesisht në Evropë) u shitën rreth 95,000 njësi të tjera të LEAF.
Që nga tetori, në Japoni, Nissan ka shitur gjeneratën e ardhshme LEAF, e cila në SHBA dhe Evropë është planifikuar të fillojë me shitjet në janar dhe shkurt respektivisht.
Zëvendëspresidenti Ekzekutiv i Nissan Daniele Schillaci tha “Këto shifra tregojnë që Nissan LEAF mbetet makina më e përparuar në botë, me arritjen më të madhe dhe disponueshmërinë më të madhe në botë. Nissan LEAF i ri është ikona e Nissan Intelligent Mobility sepse sjell një makinë edhe më emocionuese dhe përforcon përvojën e pronësisë dhe kontribuon në një botë më të mirë. Modeli i ri i LEAF do ta dërgojë lidershipin e veturave elektrike të Nissan edhe më tutje.”./Telegrafi/
Tashmë ekziston plani se si mund të shkarkohet Erik ten Hag ...
Zjarr në një hotel në Gjermani, 11 persona përfundojnë në sp...
Vazhdojnë kërkimet për të zhdukurit nga vërshimet në Bosnje
“Mbi 200 persona brenda ditës po përdorin biçikletat e kryeq...
KRU “Prishtina” shpërndan ujë të pijshëm përmes autoboteve p...
Uji depërton në Klinikën e Pediatrisë, pacientët detyrohen t...