Erdogan: Askush nuk mund të krijojë shtet të ri në Sirinë veriore

00:50 | 12 Janar 2018
Trina Galanxhi

Presidenti turk, Recep Tayyip Erdogan ka deklaruar se askush nuk mund të guxojë që të krijojë shtet të ri në Sirinë veriore, duke paralajmëruar se çdo përpjekje e tillë do të përfundojë si e “padobishme”.

Në fjalën e tij në një takim me administratorët lokalë njohur si mukhtar në Kompleksin Presidencial në kryeqytetin e Ankarasë, Erdogan tha: “Ata që janë të gatshëm të krijojnë një territor të ri në Sirinë veriore, do ta pësojnë”, transmeton portali arbresh.info

Ai tha se Turqia nuk mund të jetë një mjet për politikat jokoherente të SHBA-ve dhe as nuk do të paguajë çmimin për pamjaftueshmërinë që vetë SHBA kishte treguar në lidhje me zhvillimet në rajon.

Marrëdhëniet mes Turqisë dhe SHBA-ve mbeten të tensionuara për shkak të kërkesës për ekstradim të Fetullah Gulen dhe për armatosjen e kurdëve./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm