Google ADS

“Thaçi ishte në gjendje t’i sakrifikojë shokët e luftës për ta shpëtuar veten”

21:58 | 10 Janar 2018
Arbresh.info

Juristi dhe analisti politik, Dastid Pallaska, ka thënë se prapa përpjekjejes për shfuqizimin e Gjykatës Speciale qëndrojnë udhëheqësit e shtetit, me në krye presidentin e vendit, Hashim Thaçi.

Ish-kryetari i Partisë Demokratike të Kosovës, sipas Pallaskës, edhe mund të konsiderohet themelues i kësaj gjykate.

Në “Rubikon” të KTV’së, Pallaska është shprehur se Thaçit e të tjerëve iu ka shkuar keq ruleti rus – se iu ka ngelur plumbi në revole.

“Thaçit edhe liderëve të tjerë nuk iu ka ecur mirë. Atyre iu ka shkuar keq ruleti rus”, ka thënë ai.

“Është shumë e thjeshtë, ai dhe liderët e tjerë me krimet e luftës e kanë luajtur ruletin rus tash e 19 vite”, është shprehur Pallaska.

“Ata kanë qenë në gjendje që t’i sakrifikojnë edhe shokët e luftës. Këtë e kanë bërë vetëm për ta shpëtuar veten nga akuzat për krimet në luftë”, ka thënë ai.

“Por, tani ka ardhur puna te plumbi i vetëm në revole”, ka shtuar Pallaska.

Shpërndaje në rrjete sociale

Lajmet më të lexuara

Të ngjashme

Foto lajm