Joksimoviç: Serbia kandidati më serioz për anëtarësim në BE

21:01 | 10 Janar 2018
Trina Galanxhi

Ministrja e Integrimit Europian në Qeverinë e Serbisë, Jadranka Joksimoviç, ka deklaruar se Serbia ka zbatuar reforma serioze.

Ajo ka shtuar se vendi i saj është “kandidati më serioz për anëtarësim në Bashkimin Europian”, duke vënë kështu Serbinë në krye të listës së vendeve tjera që pritet të anëtarësohen në BE gjatë vitit 2025, shkruan “Kurir”, transmeton portali arbresh.info

Joksimoviç tha se nuk është “kundër asnjërin vend kandidat për anëtarësim në BE”, por shtoi se “përparimi në negociata duhet të jetë në përputhje me rezultatet individuale që kanë arritur kandidatët për përmbushjen e kritereve”.

“Unë jam kundër të ashtuquajturës pako për të gjithë rajonin, sepse besoj se koncepti dhe vizioni i Presidentit të Komisionit Europian Jean-Claude Juncker do të duhet të relativizohet. Serbia po zbaton reforma serioze, prandaj ne kemi një mbështetje në rrugën europiane dhe pres që BE-ja të njohë Serbinë si kandidatin e saj më serioz”, tha ajo./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm