Google ADS

Luka Modric shfaqet në gjykatë, akuzohet për mashtrim tatimor

17:10 | 9 Janar 2018
Arbresh Info

Mesfushori i Real Madridit, Luka Modric është shfaqur në gjykatë si pjesë e rastit për mashtrim tatimor në kryeqytetin spanjoll.

Zyrtarët kanë thënë se mesfushori kroat ishte në gjykatë për rreth 10 minuta së bashku me gruan e tij dhe avokatin, transmeton portali arbresh.info. Gruaja e lojtarit, Vadja është duke u akuzuar gjithashtu për parregullsi në taksa.

Prokurorët spanjoll kanë akuzuar mesfushorin Luka Modric për mashtrimin e autoriteteve të taksave duke iu shmangur pagesave të shumës prej 870.728 euro në vitin 2013 dhe 2014.

Gazeta lokale ‘El Mundo’ thotë se Modric tashmë ka paguar rreth 1 milionë euro te autoritetet e taksave në përpjekje për të arritur një zgjidhje edhe pse lojtari ka mohuar se ka bërë diçka të paligjshme.

Gjykata dhe zyrtarët e taksave thonë se ata nuk mund të konfirmojnë apo mohojnë pagesat. Detajet e paraqitjes së Modricit në gjykatë nuk janë publikuar ende.

Modric ka luajtur për Real Madridit qysh pas transferimit nga Tottenhami në vitin 2012./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm